Урт удаан үргэлжлэх холын аян биднийг хүлээнэ. Энэ аянд ганцаар явах аргагүй тул хань болгон хэн нэгнийг сонгоно. Хүмүүс хэлэхдээ бурхан бүхнийг зохицуулсан гэх, гэвч бурхан хэнийг хэнд зориулан бүтээснийг олж мэдэх тун ч төвөгтэй, яг л хариуг нь эс олж чадах нууц оньсого шиг бурхaны зурлага илхэн атлаа нууцлаг аж. Оньсого мэт нууцлаг тэр л зурлагын учгийг зүрх сэтгэл л мэдэрч олдог гэнэм. Тиймээс сэтгэлийг чагнах хэрэгтэй, холын замд үнэн ч нөхөр байж чадах нэгнийг олох сэтгэл уужимхан бас цэлмэг байх хэрэгтэй. Уужуу тайван сэтгэл яг л өөр шиг ээ эсвэл өөртэйгөө зохицох тийм нэгнийг олох нь гарцаагүй.
Учирсан бүхэн холын аянд хэзээ гарах талаар лавлан надаас асууна, зарим нь яаруулан шавдуулна, нас чинь оройтож гэж шогширно. Хааяа тэднийг дагаж сэтгэл гэгэлзэнэ, хаагуур юу хийж намайг олохгүй яваа юм бол гэж түүнд тунирхана, больё хэнтэй ч хамаагүй ханьсаад холын тэр аянд дөрөөлье гэж ч зүггүйтнэ. Гэвч холын тэр аянд чихэнд сонсогдсон сайхан бүхэнд итгэж догдолсон сэтгэлээр гарч үл болно. Бие жиндэхэд би тэсээд гарах ч сэтгэл жиндэн, харц гуниглаж, гэгээхэн инээмсэглэл минь надаас дайжвал би тэсэхгүй бас тэвчихгүй би ийм л эмзэгхэн нэгэн. Тиймдээ ч над шиг эмзэгхэн дээ гэж бусдыг би хайрлахдаа ойртон дотносож чаддаггүй, энэ миний алдаа бас оноо.
Зураг төөрөг, хувь заяаны эзэн болж төрсний учир холын аянд гарах минь гарцаагүй, гарахдаа ганцаараа байхгүй минь ч тодорхой. Олон дундаас урт холын аянд ханьсах нэгнийг би сонгоно. Сонгохдоо ухаант нэгэн багшийн сургаалийг чиг болгон баримтлахыг хүснэ. Ухаант багш:
Холын аянд гарахдаа өөрөөсөө ухаантай нэгнийг сонго, ухаантан олдохгүй бол өөр шиг ээ нэгнийг сонго, тэнэгийг эс сонго, тэнэгтэй явснаас ганцаараа явсан нь дээр гэж сургадаг юм. ( яг үг бүрээр нь санадаггүй ээ, гэхдээ ийм л санааг илэрхийлсэн өгүүлбэр " Бурхан багшийн сургааль " номонд байдаг )
Зөв сургаалийг дагаж, зөв л аянд гарна. Эрт орой нь хамаагүй ээ гол нь зөв л хүнийг олж богинохон ч гэсэн сэтгэл жаргалтай зөөлөн, зөв амьдралаар амьдаръя.
Гэрээс гарч цэнгээний газар хүрээд тэнд хэсэг зугаацан суухаас тэс ондоо болохоор тийм ч амар шийдэж, хэн таарсантай нь явчихаж болохгүй нь ээ урт холын аянд. Энэ бие минь одоо ганц ч эргэх цагийн аясаар " Матрёшка " эгээ шиг л үржинэ. кккк Нас нэмж үржигдэхийн хүрдээр амьдрах нь сайхан ч түүнтэй зэрэгцэн хасагдахын үйлдэл явагдахыг мартаж үл болно. Миний сонгосон сонголт, миний амьдрах амьдрал энэ биеийн минь үндэс суурь болсон хүмүүст сэтгэлийн жаргал, амирлал бэлэглэх ёстойн учир би зөв амьдралд хүрэхээр алсын замд гарах учиртай.
Блогийн нүүр » Холын замд
2009-08-14 07:39:21
Сэтгэгдэлүүд:
Зүгээр л жолоогоо жоохон мушгиал болох ёстой юу
Сайн ахмадтай хөлөг хэзээ ч хэцүү бүхнийг даван туулах чадвартай байдаг
P.S. neg medsen neh tom surgamjlagch garaad irsen bn hehe
Удахгүй холын аяны хүнтэйгээ таарах байхаа, хаа нэгтээ бас хайгаал яваа.
11
12 гурав өөрсдийгөө хичээ Таанууд . Нээх хүнд заасан улсууд хэхэ
Good luck!
нүдээ олсон хайрыг тархи бас зүрхээр шийднэ гэдэг ховорхон байх шиг санагдааад байдаг юм.
тавилангаараа л та яаж шийднэ тэрүүгээр урдах зам урсах амьдрал харагдах байх доо..
Зоригт8-д Хүн болоод төрсөн юм чинь болж л өгвөл зөв замаар зөв л амьдралд хүрэх ёстой санагдана.
Агай-д Баярлалаа
Гутлын хорхойтон-д Бид тэгвэл адилхан л бодолтой улс юмаа.
Төрөө-д Ерөөл бат оршиг ээ. Бүх зүйл маш сайн байгаа. Хэ хэ хэ сонголт хийнэ ээ гэхдээ ойрын үед бол биш ээ, зүгээр л хэзээ гэрлэх гэж байна?, хэзээ, хэзээ?? гэж асуугаад байгаа хүмүүст л юу бодож явдаг болоод яагаад одоо болтол гэрлэхгүй яваад байгаагаа л хэлсэн юм. Үржих сайхан ч асар их хариуцлага ирдэг юм шиг санагдаад байгаа. Хариуцлага үүрэх чадвартай болохоороо л үржинэ дээ. кккк
Нүүдэлчин-д Аянд гарах арай л болоогүй байна, гэхдээ уулзаж учирсан нэгнийг битүүхэн ажиглаад л харчихдаг гэвч одоогоор энэ л надад сайн хань болох нь гэсэн хүн гарч ирээгүй л байна. Хэ хэ хэ тантай аялалд гарах өөр сайхан бүсгүй, хаа нэгтээ байгаа.
М2-д Үгүй ээ шийдвэр гаргаж, сонгож, шилээд байх хүн одоогоор алга л байна. Зам зуурт түр ханьсах нэгэн бол олон л байх, харин замын дундаас буцахгүй аяан дуустал надтай үүрд хамт байх нэгнийг хараахан би мэдрээгүй, таниагүй л байгаа. Зүгээр л гэрлэлтийн тухай юу гэж боддог оо л бичсэн хэрэг. Хэ хэ хэ нээрээ тийм тестэр байдаг бол гоё шүү.
Гогоши-д Баярлалаа, чамд ч бас
Эрхэм-д Тиймээ надад үнэхээр зориг хэрэгтэй байгаа юм, бага багаар би зоригтой болж, юм юманд өөрийгөө хамаатуулахаа больж байгаа. Хүнтэй суух гэж яарахгүй байгаа, гэхдээ хүнтэй суу гэж яаруулаад байдаг хүмүүст л чухам юуг бодож, ямархан шалгуураар яаж тэр хүнээ олж харахыг хүсдэг ээ л мэдрүүлэх гэхдээ энэ тухай бичсэн юм. Би сэтгэл тайван, сайхан амьдралыг л хүсдэг тийм амьдралд хүрнэ гэдэгтээ ч итгэдэг, тиймээ итгэл хамгийн чухал нь. Чин сэтгэлийг чинь үгсийг надад заасан сургааль бус, надад сайхныг хүссэн чин сэтгэл чинь гэдгийг би мэдэрч байна аа.Танд үнэхээр их баярлалаа.
Га-д Хэ хэ хэ нэг пиво задлаад талыг нь л ууж байгаа биз, тэгнэ ээ тэгэх л учиртай тэгээд надад бас охиндоо яарах ч агааг гэрт нь хүргээд өгье гэж байгаа биз, тиймээ тийм л сайхан хүн миний замыг зааж холын аянд надтай ханьсах юм. ккк
Луза-д Зөв үгийг дагавал зөв л амьдрана шүү дээ бүсгүй минь.
Силэнт-д Баярлалаа. Эрт орой нь хамаагүй ээ хамгийн гол нь хэн хэнээ богинохон ч гэсэн дүүрэн сэтгэлээр жаргааж л байвал болох нь тэр. Тэр минь ч бас намайг хайгаад л яваа тэ. кккк
Багтайшүү-д Хааяа бодох амархан ч бичнэ гэдэг хэцүү байдаг. Бас хааяа бичих амархан ч бодох бас л хэцүү байдаг. Гэхдээ бодож нүүсэн нүүдэл нэг их алддаггүй шиг л санагддаг юм.
Жулия-д Тиймээ, тийм нэгнийг олтол оо би холын замд гарахгүй ээ, гарах гэж ч яарахгүй. Баярлалаа чамд ч бас сайхан бүхнийг хүсье!!!
Монгол_жаргал-д Ойлголоо. Би сэтгэлдээ үргэлж залбирах болно оо. Баярлалаа танд
Амор аниа-д Яарахгүй бас назгайрахгүй л явна аа дүү нь. Сэтгэлд нэг тийм мэдрэмж төрөх үед холын замд гарах хугацаа минь болжээ гэж бодох болно оо.
Нас нэмж үржигдэхийн хүрдээр амьдрах нь сайхан ч түүнтэй зэрэгцэн хасагдахын үйлдэл явагдахыг мартаж үл болно.
Энийг сайхан хэлжээ
http://duusashgui.blogspot.com/2008/08/blog-post.html
Сэтгэгдэл үлдээх: