Арван найман нас хүрэхээрээ
Аавынхаа дэргэд тогтохоон болилоо би... гэж дуулж явсан долоон насаа бодвол ч овоо л том болчихжээ. Утга нь чухам юу гэж байгааг үл ойлгох мөртөө дуучин эгчийн гоё хоолой, хөөрхөн царай хоёрт татагдаж тэрхүү дууг гэрт гадаагүй гонгинож яваад нэг шөнө аавдаа тун ч хатуу загнуулсанаа ер мартдaггүй юм. Тухайн үедээ бол жижигхэн зүрх аавдаа туйлаас их гомдож аав надад дургүй болохоор миний дуулахад ч бас дургүй байдаг юм байна гээд өөрийгөө бараг тэр айлын хүүхэд мөн эсэхэд эргэлзэж зогссон уу яасан. Гэхдээ л тэр цоглог аятай дууг сэмхэн сэмхэн дуулсаар тэр өвлийг өнгөрүүлчихсэн л юмдаг. Харин зун нь байшингийн сүүдэрт сууж байхдаа өвлийн тэр явдлыг нэхэн санаж чухам яагаад аав минь тэгтэл ээ их уурласан учрыг бяцxан ухаандаа тунгаан бодсоор " аан аавыгаа орхиж явдаг хүн л дуулдаг байх нь " гээд нээг сүрхий ухаарч ойлгосонсон.
Он цагийн хүрд алгуурхан эргэсээр долоон настай үе минь хэдийн надаас холдон одсон ч аавыгаа орхиж явдаг хүний дууг дахин би дуулж явсан аа үл санана. Бүсгүй хүний заяа төөргөөр гэрээ орхиж хадамд гараагүй болохоор сэтгэл минь ааваа орхиж холдоогүй харин бие минь өнөө цагийн хөгжил дэвшил, соёлт амьдралыг үзэхээр бас ч үгүй ирээдүйгээ төвөхнүүлэхээр хэдэн жилийн тэртээ аавын гэрийг орхиж хилийн дээс давсан. Үүнийгээ их ололт, их амжилт гэж мунхаглан бодсон нь ч бий. Гэхдээ онгирч омогшиж явсан нь бага юм. Сонгож алахсан зам минь сайхан бүхнээр намайг тосож, зөөлөн дулаан бүхнийг бэлэглэсэний учир энэ замд талархах нь зүй. Тиймдээ ч би даруу байхыг эрхэмлэдэг.
Нэгэн хэвийн ч аз жаргалаар дүүрэн амьдрал минь сайхан хүмүүсээр хүрээлүүлэн тэднээс хүндлэл, хайрыг харамгүй авсаар өнгөрч бас үргэлжилж байна. Мэдэхгүй байх үеэс минь эхлээд мэддэг болно гэсэн итгэлээр надад бүхнээ даатгаж, заан сургасан тэр олны сэтгэл өөрөө өөртөө итгэх итгэлийг минь зуун хувь болгосон. Надаас ч илүүтэй надад итгэх олон, намайг аажим аажимаар өөрчилж, бодол санааг минь цэгцлэн байгаад насан туршдаа талархууштай. Тэдний дэм, итгэлээр би бүх зүйлийн эхлэл цэг дээрээс дээш өндийсөн, өндийх тусам тэд итгэлээ бүр илүүтэй өгөх тул сэтгэл минь ганхаагүй.
Үе үе нутаг тийш сэтгэл гүйж инээд ховордох үед нар цацрагаараа намайг л зөвхөн аргадах мэт дулаахан илнэ, сэтгэл ч сэргэнэ яг л тэр үед аав минь гэрийн гадаа өдрийн нарыг ажин намайг даатгаж зогсоог зөнгөөрөө би мэдэрдэг болохоор гиюүрэн хөл зөөж алхаа удаан явахыг үл хүснэ. Залуу хүн золбоолог байх хэрэгтэй гэх аавын сургаалыг хэдэнтээ давтсаар нараар хань хийж өгсүүр газрыг олон ч удаа би давсан. Холын нутагт хүч нэмж, бодолд ханьссан амьд бурхaдын минь сургааль хаана ч намайг сөхрүүлэхгүй гэдгийг бүр ч илүүтэй мэдэрнэ.
Үндсээ марталгүй эрхэмлэн санаж, өнгөтнөөс илүүтэй үнэн сайхнаар ачлан явж, зөв зүйтэй сургаалыг нь их амьдралын мөрдлөг болгон хэрэгжүүлж явбал хаана ч, хэзээ ч алдахгүй хүн ёсоор амьдрах нь гарцаагүй.
Энд ч бас тэнд ч...
Сэтгэгдэлүүд:
аав минь гэрийн гадаа өдрийн нарыг ажин намайг даатгаж зогсоог зөнгөөрөө би мэдэрдэг
Нээрээ л ингэдэг байсан байх даа. Эжий аав минь. Одоо ч даатгаж яваа гэдэгт итгэдэг шүү
Аавынхаа дэргэд тогтохоон болилоо би.
ene duug bi chmaas ch baga bhdaa duuldag blaa gevch odoo hir n holdoj amjaaaguil yvaad bdag
ene duug ih ert duulsnaas bolood chi bas bi ch ....
Хаа ч ялгаагүй ээ,,, амьдрал гэгч хүний сэтгэл дотор өрнөдөг...
Их сайхан бичлэг болжээ.
saihan bichsen baina.Geree aaw eejiigee sanaad bgaam bna daa chi.
Bichlegees chini shuud unertej baina
Саруул-д Миний өнөөдөр хүн шиг яваад олон хүн нөлөөлсөн, тэдний итгэл, тэдний хайр, тэдний хүндлэл байх тусам би дээш зоригтой харж, тэнд байгаа зүйлд хүрэх боломж надад байгааг ухаарч, чадна гэдэгтээ итгэсээр ирсэн, итгэсээр ч байх болно. Өнгөрсөн энэ олон шөнө үүнээс их зүйлс бодсон, бодол минь эхнээсээ үйлдэл болж шийдэлд хүрч байгаад баяртай л байна.
Агай-д Хүн байх эс байх нь тухайн хүнээс бас түүнийг тойрон хүрээлэх бусад хүнээс ч хамааралтай л санагддаг юм. Хүн шиг яваа нэгнээ хүн чигт нь л үлдээх энгийн хэрнээ эрхэм тусыг хүргэж явахсан.
Досу-д Тиймээ, хичээх л хэрэгтэй.
Одлоб-д Хэ хэ хэ нээрээ энэ дууг хэт эрт дуулснаас болсон байна шүү. Чи надаас багадаа дуулсан юм чинь надаас ч хойно гэрлэх юм байна. кккк
Бялзуух-д Баярлалаа. Амьдрал сэтгэл дотор эмх цэгцтэй өрнөхөд би дуртай. Гаргасан шийдвэр бүр нь зөв тусгалаа олох нь бүр ч сайхан.
Эмбий агаа-д Алтан тэр сургааль амьдралыг зөв зүгт залах алтан гадас ч бас болдог байх, тиймээс өвгөдийн суралийг марталгүй л санаж амьдрахсан. Баярлалаа танд
Аагий-д Санаад байнаа, гэрээ Монголоо, найзуудаа бүгдийг нь санаж байгаа. Тэд ч бас намайг санаад л байна гээд байх юм. Нэг л өдөр инээгээд л уулзана даа.
бодол бясалгал бүхэн чинь чамд ухаарал нэмдэг байхаа
намайг багад /6-7 орчим л бсан бх/ ээжийн дүү нар за миний дүү том болоод ямар хүнтэй суух вэ гээд л тоглоно, би хариуд нь хүнтэй суухгүй ээ гээд л, яагаад гэхээр нь аав ээжээс нь салгаад холоо аваад явчихдаг юм бна лээ гэдэг бсан /ээж аавтай суугаад хөдөө аваад явчихсаныг л хэлээд бсан бх/ хэхэхэ
тиймэээ гэж дуу нэгтэй гар өргөмөөөр бичлэг бна даа
Хань-даа Түшигтэй дулаахан бас хүндэтгэж баймаар сайхан үг. Хэ хэ хэ хүүхэд байхад бас ч гэж хэрсүү байжээ.
Тлг_УБ-д Сургалтын материалд хавсаргах арга бодноо гэсэн. хэ хэ хэ
Ээнээ-д Харин тиймээ, ээж аав, найз нөхөд гээд санахгүй хүн алгоо, ер нь тэгээд анзаараад байхад хүн аав ээжээс илүүтэй найз нөхдөө л санаад байдаг юм шигээ.
Жиргээ аниа-д Тиймээ энд ч тэнд ч...
15-д Сайн сайн уу? Ахаа Та нарыг бүгд сайн байгаа гэдэгт итгэж байна. Муухай аашийг минь уучлаарай. Ягаахан блогт минь зочилж, сэтгэлийн минь үгсийг уншиж байдагт баярлалаа. Танд бас таны хөөрхөн хүүхдүүдэд аз жаргалын дээдийг хүсье!!!
Зочин-д Баярлалаа. Амьдрал болоод намайг хүрээлэх болгон тийм л гэгээн байдаг байхаа. Таны сэтгэгдэлийг уншсанаас хойш рэд бүллээ багасгаж байгаа. Түүнээс өмнө өдөр бүр уудаг бас өглөө, өдөртөө кофе ч уудаг байсан юм. Чин сэтгэлээсээ анхаарал тавьж зөвлөсөнд баярлалаа.
Аманжинка агаа-д Сайн сайн уу? Гараа өргөхөөр чинь гижигдэнээ таныг. ккк
Фриймэн-д Баярлалаа. Тиймээ энэ аялгуу бүгд сайхан, манай гэрт өдөр бүр л эгшиглэж байдаг юм. Аяаа авчихаар зарим хүмүүс бүүр нэхээд байдаг ш д. Болохгүй байхад нь Саарал гэдэг блогчин ах янзалж өгсөн юм.
Ундак27-д Өө хөөрхий би чинь тийм зүйлийг мэдэхгүй ёстой нүдэн балай, чихэн дүлий л сууж байна. Нээрээ дээр үед нэг шинэ блогт ороод өөрийхөө бичлэгийг уншчихаад бүүр гайхсан ш д, тэгээд нэг л итгэхгүй өөрийхөө блогт орж дахин уншаад минийх байна гэдэгт нь итгэж билээ. За би хуулдаггүй болгох арга чарга агаа нараасаа асуухаас. Баярлалаа Ундаакаа
Эрхэм-д Тиймээ, эцэг эхийн эрхэм сэтгэлийг юу ч орлохгүй бас юутай ч зүйрлэшгүй. Харь хол хүний нутагт зөв гишгэж амьдарсан өдөр бүхэн минь аав ээжийн ачит сургааль, ухаалаг үгийн л буян. Аавын сургаалыг марталгүй санаж, уулзах нөхөд өө хайрлаж, учирсан дайсанг ч өршөөж чадах сэтгэлтэй болсон юм. Тиймээс тэднийгээ л дээдлэн, шүтэж амьдрана даа. Хүн өөрийн сайндаа дээш өндийдөг ч түүнд олны дэм тус, сэтгэл итгэл, хайр чамгүй их үүрэг гүйцэтгэнэ шүү.
Аза-д Зураг хөргөө нэг их дэлгээд байх дургүй ээ, энэ блогт миний бас намайг хүрээлэх олон хүний амьдрал дэлгэгдэж үлдсэн болохоор өөрийгөө олонд зарлах бодолгүй ээ. Хүүе гэхдээ л би чинь хүүхэд гаргаж, хүнтэй суугаагүй юм чинь хүүхэд л байж таараа ш дээ. кккк
Жаагий-д Алсxан зүгээс буцаад аав ээждээ очихсон тиймээ, тэгээ ёстой цаг хугацаа нь болохоор хүний ёсоор аав ээжийн гэрээс гарвал....
Алтаргана аниа-д Миний аав ер нь үг дуу цөөтэй, сонсож ажиж байж дуугардаг хүн, гэхдээ дуугарахдаа ер буруу дуугарч байсныг би огт санадаггүй юм. Аавын хэлэх үгс намайг ёстой л тэнгэр өөд нисэх далавчтай мэт л болгодог. Ээж минь ч бас бидэндээ сайн эмч, өөрийгөө мартаад л хэдэн хүүхдээ гээд явдаг сайхан ээж нарыг нэг.
Боонжиг-д Би Энхбат гээд дуучин эгчийн дуулсанаар л анх сонссоноо огт мартдаггүй юм, тэр эгчийн хөөрхөн царайг мартахгүй, тийм л хөөрхөн болохсон гэж бодохдоо аавыгаа уурлуулан байж дуулж явсан юм. Зүгээрээ танд ч бас баярлалаа, буруу зөрүүг минь залах та нар хажууд минь байх л хэрэгтэй.
Соно агаа-д Таныг ирсэнд юутай их баярлаж байна гээч.
Сэтгэгдэл үлдээх: