Гэр бүлийн амьдрал гэдэг амархан хэрнээ бас л амаргүй даваа бололтой. Нас сүүдэр хориос нилээн холдож яваа болоод ч тэрүү үе үе гэр бүлийн амьдрал болоод гэрлэх бараалхах талаар найз нөхдийн зүгээс шахалт ирнэ, шахалт шаардлагыг нас балчир, ухаан бага гэдэг үгээр аргалж дөнгөх ч үнэндээ бол цаг нь болоогүй учралын төлөө цагаасаа эрт шаналах хэрэггүй л гэж бодох.
Энэ биеэр гэр бүлийн амьдрал зохиож гол дүрд нь тоглож яваагүй ч гэр бүл болсон олон залуусын амьдралаас сайн муу, сайхан муухайг нь бишгүй л харж өөрийн биеэр мэдэрвэл ингэж бас тэгж байна гэж өнийн асуудлыг амархан шийдчихээд маадгар алхах өдөр бишгүй л их тохиолдоно. Ил далд харагдах тэр олон амьдралын жаргал зовлонг дураараа дэнслэн суухдаа " Гэр бүлийн амьдрал гэдэг тоглоом биш " юм гэж сэтгэлийн гүндээ хүртэл мэдэрсэн нь их олз гэлтэй.
Гэр бүл гэдэг тоглоомоор тоглогч нэгэн залууг Вэй Чин гэх. Боловсрол болоод ажил мэргэжилийн хувьд хэнээс дутахгүй шиг ээ царай зүсээр ч бас гологдохгүй түүнийг ажлын охид бүгд л сонирхоно. Долоо хоногийн гурваас дөрвөн өдрийг манайд ( ажил дээр ) өнгөрүүлэх болсоор жил гаран болж буй болохоор байнгын үйлчлүүлэгч гэх чамгүй олон хүмүүсийн эгнээнд багтаж дээгүүрт нэр нь бичигдэнэ. Өдөр алгасахгүй шахам ирж ганцаар ууж суух түүнтэй захирал Дэнни дотно найзласаар бас л жил гарны нүүрийг үзсэний хувьд энэ бичлэгийн эх сурвалж болсон юм.
Сайханд дурлах нүд минь Вэй Чинг харж баясаж явсан үе бас бий. Өндөр нуруу ( бараг 1м 90см ), цэвэрхэн царай, цэмцгэр байдал гээд ямар ч бүсгүй түүнийг харцаараа сонжиж харахаар тэр тийм л сайхан залуу. Харин замбараагүй ихээр шуналтан ( архи дарс ) уудаг нь миний түүнд дургүй болсон шалтгаан. Гэхдээ миний түүнд дуртай байна уу, дургүй байна уу бидний хэн хэнд нь огт хамаагүй.
Ажлаа дөнгөж тараад л цэвэрхэн хувцасласан дэгжин залуу даруухан инээмсэглэж ажил дээр орж ирсэнээр түүний нэг шөнө ажлын минь жижигхэн танхимд уйтгартайхан өнгөрөнө. Бүтэн шил вискиг яарамгүй ууж, тамхины саарал утаа үлээн бодолд дарагдан суух түүнийг цэвэрхэн хувцасласан архичин гэх бодол л надад бодогдож халаглах сэтгэл төрхөөс гоё сайхан гэж шүүрс алдан сэтгэл дурлах нь үгүй.
Бүтэн шил виски ганцаар ууж ёроол хоослов ч сэтгэл нь үл ханах тэрээр нэмж хэдэн грүүшиг пиво уух ч арчаагаа алдан согтохгүй нь бодвол тэр өндөр том биеийн шингээх үйл ажиллагаа сайных биз. Өнжөөд л нэг ирж, ирэхдээ ийм янзаар ууж суусаар ажил тарж хаалга түгжихээс өмнө гэрийн бараа харахаар гарах түүнийг саяхан гэрлэсэн, нялх хүүхэдтэй аав хүн гэхэд ч итгэмгүй санагдана, эхнэрийг нь хараагүй бол бараг итгэхгүй ч байсан биз.
Түүний эхнэр нэг их харц булааж, сэтгэл татаад байхаар гоё сайхангүй ч гэлээ биеэ цэвэрхэн авч явах энгийн л бүсгүй. Тэд хэдэнтээ хамт ирсэн ч залуу хосын хайр халамжаар бие биеэ энхрийлэн дотно байх нь үгүй. Өөд өөдөөсөө хараад суух ч хөндий өнгөөр хэд гуравхан үгийг солихыг нь нэг бус харсан болохоор архинд дуртайгаар нь Вэй Чин л буруутгагдаж биднээс үгийн зэм хүртэнэ. Гэхдээ эхнэрээсээ өөр бүсгүй дагуулан ирж байгаагүйг нь мэдэх болохоор түүнийг бас битүүхэн сайшаана. Гэвч бас ингэж архийг ус шиг ууж биеэ хордуулахаар сайхан бүсгүй дагуулаад эрүүл явбал ч гэж шар хүний өмнөөс хар хүн болж атгаг санаа агуулна.
Би бодохдоо архи түүний амьдралыг баллаж байна даа л гэж бодох. Гэвч энэ бодол тэс хөндлөн бодол байсан санж. Баларсан амьдралаа мартагнаж, сэтгэлээ засахын тулд шөнө оройг ч үл тоон ажлын минь буйдхан орон зайд бодол болон суудаг байж.
Бүсгүй түүний гэргий, гэвч хайрлаж дурлаад бус суухаас өөр сонголтгүй болоод л хүсээгүй хурим хийж, хүсээгүй аав болчихсон азгүй ч гэмээр юм шиг өрөвдөм залуу аж. Эхнэр болох бүсгүйтэй хааяа нэг уулзаж эр биеийн жаргал эдлэхээс цаашгүй явтал бүсгүй жирэмсэн болж хүүхдээ авахуулах хүсэлгүй харин ч түүний гэргий болж, голомтоо бадраах бодолтой тул аав ээжид нь хандсанаар хатуу чанга аавын үгийг дагаж, бүсгүйтэй суухаас өөр сонголт хөөрхий залууд байгаагүй гэх. Нэр нөлөө бүхий аав ээж нь албан тушаал, нэр төрөө бодохдоо том хүүгийнхээ аз жаргалыг юман чинээ бодолгүй зовлонт амьдрал уруу түлхсэн нь харамсалтай ч маргаашийн амьдралаа саналгүй өнөөдрийн зугаад автаж амьдралаа үрсэн нь түүний ч бас буруу гэлтэй.
Гэвч энэ бүхний ард эрийн сэтгэлийг хүчээр эзэгнэж энэ биед жаргал бус зовлонг үүрэн, хайр халамж бус хөндий хүйтэн харьцааг тэвчин тэвчин, үүр шөнөөр л гэрийн босго давах хөлчүү нөхрийг хүлээн залуу насаа гунигаар үдлэн суугаа тэр бүсгүйн юу санаж, юу хүсэж ийм уйт амьдралаар тоглон суугааг эс ойлгоно.
Хүсээгүй амьдралтайгаа эвлэрэхийн тулд хөлчүүрхэн ууж ухаанаа зэрэмдэглэх залуу, хүний сэтгэлийг хүчээр татав ч сэтгэлийг нь бус биеийг нь л дэргэдээ хагас хугасхан тогтоох бүсгүй хоёрын гэр бүл гэх гэгээ баясалгүй тоглоомон дунд юугаа ч мэдэхгүй инээн баясах сөөсгөр охин л хөөрхий юм даа.
Блогийн нүүр » Хайргүй хүний өвөрт дасъя
2009-09-21 16:41:01
Сэтгэгдэлүүд:
ер нь тэгээд суухаа хүрвэл 7 хоногийн дотор ч суучдаг гэсэн,
чи ямар гүйлтийн тамирчин биш !
Амьдрал явагдаж бна наана чинь айн
Барианд орж ирж байгаа тэмээ шиг л нэг хоёр гэж буйлж явах юм хаашаанб
Чи миний хаягаар гялс ороод ирээрэй
Найз-д Зөв хэллээ шүү.
Га агаа-д Хэнтэй л уралдаад гүйгээд байна даа.
Баяраа агаа-д Ээ хөөрхий
Агаа-д Захирал Дэннитэй найз болоод бас л жил гаран л болж байна даа. Хүний л амьдрал болсон хойно юм юмтай л байна. Вэй Чинг хужаа гэж та яаж мэдэв??? Тэр чинь Сингапур залуу шүү дээ.
Фриймэн-д Хэ хэ хэ
Оогий-д Хэ хэ хэ
Фрийстайл-д Харин тийм салчихвал л дээр юм шиг гэвч бас гэр бүлийн нэр төр гэж бас чухал бололтой.
Бомбэрдэр-д Ер нь нас залуу бол нэг их яараад байх хэрэггүй байх оо.
Анжигай агаа-д Хэ хэ хэ амьдрал тэр чигтээ л сэдэв байна даа агаа минь.
Хмм-д Таалагдахгүй зүйл бичсэн бол уучлаарай. Би өөрт мэдрэгдсэн мэдрэмжээр л бичдэг. Вэй Чин гэх тэр залууг бараг өдөр бүр харсаар жил гаран болж байгаа болохоор магадгүй түүнийг өрөвдөх сэтгэл минь энэ бичлэгт илүү гарч байгаа байх. Эмэгтэй хүнийг доромжилж дорд үзэх сэтгэл надад өчүүхэн ч үгүй ээ. Эрэгтэй ч бай эмэгтэй ч бай бид яг л ижил хүн болохоор бие биеэ санаатай санаагүй сэтгэлээр нь үхүүлэн тамлан зовоохыг л би тэвчдэггүй. Хүсээгүй амьдралаасаа болж цэнгээний газрын орон тооны бус ажилтан шахуу болж, эрүүл ухаанаа алдаж байгаа залуугын амьдралаас авахаа авч гээхээ гээг л гэж бодсон юм. Уурыг чинь хүргэсэнд уучлаарай.
Луза-д Харин тиймээ, гэхдээ л мэр сэр байна даа.
Нүүдэлчин-д Хувь тавилантайгаа эвлэрч хайртай хосууд болчихоод жаргалтай амьдраасай билээ дээ энэ хоёр. Одоогоор ч бол амьдрал нь бүрхэг л харагдаад байгаа юм, захирал надад түүний амьдралын нарийн ширийнийг яриагүй бол би ч хөөрхий Вэй Чинг архичин л гэж бодсоор явах байлаа. За энэ хоёр ч яахав гэхэд тэр жаахан охин л өрөвдмөөр шүү, одоо дөнгөж л ой гарантай болж байгаа жаахан охин. Гэр бүлийн халуун дулаан хайрыг бурхан түүнд бэлэглээсэй.
Жинэй-д Тиймээ, амьдралаасаа болж архинд дурлаж байгаа залуу, архичин болсон ч хамаагүй хамт л байна гээд өөрийнхөөрөө зүтгээд байх бүсгүй, аав ээжийн халуун хайр мэдрэхгүй хүйтэн хөндий дунд өсөж байгаа охин гээд бүгд л өрөвдөм байна даа. Бодоод үз л дээ сүүлийн нэг жилд 7 хоногтоо л 3-4 өдөр 4, 5 цагийн үед ирээд шөнө манайхыг хаах хүртэл суудаг юм. Тэгэхээр гэртээ бараг байдаггүй гэсэн үг. Нөхөр маань ингээд гэртээ ирэхгүй бол би лав хэдийн салах тухай бодно оо.
азгүй л залуу юм
наад залуу чинь чамд амьдралаа ярьдаг юм уу.
Эсвэл эзэн чинь найз болж аваад барныхаа хүүхнүүдэд яриад гүйчихдэг байх гэж бодоодхов.
Хийлди-д Өмнө нь тийм амьдралтай залуу гэж боддог ч үгүй байлаа. Тиймээ үнэхээр харамсалтай.
Чимгээ-д Сайхан болох болов уу даа бүрхэг л юм. Гэхдээ сайхныг л хүсэж байя даа.
Гэндэн агаа-д За юүглээж надад амьдралаа ярьж суухав, ер нь их дуугүй залуу. Захиралтай нас ойролцоо болоод ч тэрүү арай дотно байдаг юм гэснээс " захирал Дэнни дотно найзласаар бас л жил гарны нүүрийг үзсэний хувьд энэ бичлэгийн эх сурвалж болсон юм." гээд бичсэн байна шүү дээ агаа минь. Би түүнийг архичин гэж хэлсэнээс үүдэж захирал надад амьдралынх нь зах зухаас ярьсанаас цаашгүй ээ.
Хэлтэрхий-д Дорно соёл ч дарангуйлал ихтэй юм даа.Иймэрхүү зүйл сонсоод байхаар эрх чөлөөний хөшөө шиг энэ сайхан амьдралаа улам л хайртай болоод байх юмаа.
Ene hmm gej nuhuriin uur n ih hurchee.., hehe, ineed hurchihlee, neg l ih tuilshirsan hun, huniig odoo ingej bodoj bolohgui, tegej bod gej zagnahgaad bgaamuu haashaaiin. Chuluutei bodoj setgeh erhtei tsag uyed amidarch bgaagaa uhaaraa hoo...
Наад хосууд чинь одоо иймэрхүү хүйтэн хөндий хүмүүс яаж насыг туулна даа...хүн л юм чинь хайрлаж дурлаж жаргаж сэтгэл дүүрэн явахыг бодож л байгаа
bogtlogdson zaluu ch yumuu, xuuxen ch gesen dee, adildaa adil l 2 baixoo...
Гэхдээ тэр хүүхний хувьд бол залуу нь гайгүй айлын хүүхэд юм бол салах сонирхолгүй л байгаа байх л даа...
мэдэхгүй юм даа хүмүүсийг. Энд ч гэсэн өөрийнхөө өвөө шиг хүнийг хүзүүдчихээд би түүнд хайртай гээд нялганаад байгаа охидыг хараад арай үгүй байлгүй дээ гэж боддын. Мөнгө, нэр алдар гэдэг зүйл зарим хүнд их чухал байдаг болтой.
гэргийнх нь хувьд дасаад хайрлаад сууна гээд суусын байлгүй дээ...ямар ч бүсгүй хүн хүүхдээ боджийно гээд өөрийгөө золиослоод амьдрахгүй л байлгүй дээ
Заза энэ наргиан байлаа....
Яг үнэндээ бол хайргүй хүний өвөрт дасна гэдэг утгаггүй соносгдож, төсөөлөгдөж байна... Амьдрал өөрөө зорилго агуулж байда... Тэр зорилгийн дотор хайртай хүн, санй хаань, сайхан бөгөөд сэтгэл дүүрэн амьдрал заавал байж л байда шүү дээ... Хүн гэдэг бурхан биш... Тэр тусмаа амьд үхдэл бас биш... Энэ насандаа олдох ганц л амьдралыг хэн нэгэн хайргүй хүний өвөрт дасгаж зохицуулах гээд байдаг нь утгагүй хэрэг ээ... Иймл байна даа Эрхцасаа.......
Яг үнэндээ бол хайргүй хүний өвөрт дасна гэдэг утгаггүй сонсогдож, төсөөлөгдөж байна... Амьдрал өөрөө зорилго агуулж байдаг... Тэр зорилгийн дотор хайртай хүн, сайн хань, сайхан бөгөөд сэтгэл дүүрэн амьдрал гээд л мөрөөдөл дүүрэн зорилгууд заавал байж л байдаг шүү дээ... Хүн гэдэг бурхан биш... Тэр тусмаа амьд үхдэл бас биш... Энэ насандаа олдох ганц л амьдралыг хэн нэгэн хайргүй хүний өвөрт дасгаж зохицуулах гээд байдаг нь утгагүй хэрэг ээ... Ийм л байна даа Эрхцасаа.......
юун дээр тогтох амьдрал вэ гэдгийг хүн өөрөө л шийдмээр бгаан ш дэ гэж бодоод л байдгийн ш дээ аниа нь.
Энэ хүнийг буруутгаж болохгүй ээ, мэдээж уншсан хүмүүс өөрс өөрсдийнхөрөө л хүлээж авна. Магадгүй би хэн нэг талыг барьж бичсэн байх л даа. Вэй Чинийг л мэдэхээс эхнэрийг нь сайн мэдэхгүй болохоор яг юу гэж бичээ сайн мэдэхгүй л байна.
Алтаргана аниа-д Хүн сэтгэлээ золиж амьдрах ёстой бол тэгээд л амьдрах байх, гэхдээ л санаанд багтахгүй юм. Өөр дээрээ бодоод үзэхээр хэрэв нөхөр маань гэртээ ирэхгүй архидаад л явдаг бол түүнийг эвдэхгүйн тулд тайван амьдралд нь орхих байсан, гэхдээ мэдэхгүй юм даа тэр бүсгүй яг юу боддог юм бол ??? Тиймээ яаж ийм байдлаар цааш үргэлжлүүлэх юм бол, үнэхээр утгагүй мэт.
Зочин-д Хөндлөнгөөс харахад бол салсан нь л амар юм шиг, гэхдээ бас гэр бүлийн амьдралд нарийн ширүүн зүйл байдаг байх л даа.
Жиргээ аниа-д Салсан гэвэл би лав нэг их гайхахгүй ээ. Тийм хүйтэн амьдралаар амьдарсанаас ганцаараа байсан хамаагүй дээр.
Ээнээ-д Ганцаараа уугаад л... уугаад л суугаа нь бүүр өрөвдөлтэй, нэг л их бодлогширсон хүн байдаг юм. Тэгээ бас яг хараад байхаар нэг их хэнэггүй эсвэл бүр жаргалтай царай гаргах гэж үзнэ тэгэх нь бүүр ч өрөвдөм.
Апабст-д Тэр бүсгүй харин юу бодож ийм хүнийг тэвчээд тэсээд байдагийг л ойлгохгүй байгаа юм, бодвол ямар нэг чухал зүйл байгаа л байх. Үнэн хайр байхад бас өнгө харсан хуурамч хайр байж л байх тийм хайр нэг л тийм хүйтэн байдал мэдрүүлээд байдаг.
Серенада-д Тийм ээ, хэний дотор ямар бодол, хэний гэрт ямар асуудалд байгааг мэдэхгүй тиймээс зүгээр л биеэ биеэ хүндэтгэж хайрлаж л баймаар санагдах юм. Ядаж л зөөлхөн инээмсэглээд харж сурахсан...
Жаагий12-д Удах тусмаа хатууг зөөлрүүлж, хайрыг үрслүүлбэл гоё харин энэ янзаар үргэлжлүүл салсан нь л дээр байх даа.
Оюунаа-д Тэр ч тийм л дээ, гэхдээ л бас түүнийг хараад юу ч бодохгүй юу ч бичихгүй байж чадсангүй ээ, угаасаа миний сэтгэл гэдэг их илүү. хэ хэ хэ Ер нь хараад байхад хүүхдээ бодож байна гээд хүмүүс нилээн алдаад байдаг юм шиг харин ч хүүхдийг бүүр хэцүү орчинд байлгаад байдаг юм шиг санагддаг.
Хэ хэ хэ манай хэд намайг юм бичдэгийг мэднэ л дээ, дээр нэг Эммагын тухай бичээд яг юу гэж бичсэнээ түүнд хэлээд сэтгэгдэлийг нь уншиж өгсөн ш д. Гомдох нэг нь гомдох л байх, гэхдээ бас өөрийн дүр төрхөө хараад хүмүүсийн сэтгэгдэлээс ухаарах нэг нь ч байж болох юм шүү.
Сандэй аниа-д Харин тийм түүнийг унтаж байхад нь ороод л унтаж байхад нь л ажилдаа явдаг байх, ер нь энэ залуу гэртээ яг хэдэн цагийг өнгөрүүлдэг юм бол гэж бодохоор их л бага санагдаад байгаам. Гэхдээ л бас өхөөрдөм амьтанг хараад яаж ч чадахгүй ингээд яваад байдаг ч байж мэдэх юм.
Зочин-д Хүн ёс болоод хүнийг хүндэтгэх үзэл сайтай шүү дээ Сингапур хүмүүс. Ер нь их тусч хүмүүс байдаг юм даа.
Улаан хошуут-д Еээ яасан харамсалтай юм бэ тээ. Зарим газрын ёс заншиг гэж мунхаг ч юм шиг л байх юм, бүхэн бүтэн хувь заяа, үзэл бодол тээгээд ирсэн хүний сайн сайхан амьдралаар тоглож, зугаагаа гаргаж байгаа ч юм шиг. Харамсалтай юмаа.
Соүлмэйт-д Дурлал бас чин сэтгэл үгүй бол хуурамч хөндий амьдралаар яахав дээ тээ. Нэг нь гэрийн мухар сахидаг, нөгөө нь цэнгээний газрын ширээ сахих нь яав ч залуу хүмүүсийн эдлэх жаргал биш шүү дээ. Энэ л надад үнэхээр харамсалтай санагддаг юм.
Хань-даа Хэцүү байлгүй яахав дээ. Хөндлөнгөөс харах бидэнд ийм байгаам чинь энэ амьдралын тогоонд нь буцлад яваа тэдэнд юун нь амар байхав...
Том ах-д Бараг 2 м шахуу өндөр тэгээд биерхүү залуу болоод л ууж чадаад байдаг байх, магадгүй тэгээд уусаар байгаад бүүр дасал ч болсон байж магадгүй ээ. Анх би бүүр гайхдаг байсан, гэхдээ одоо ч гайхдаг хэвээрээ.
Фриймэн-д Тиймээ утга учиртайгаар жаргалыг мэдэрч амьдрах ёстой байтал ямар ч баяр баясалгүй ингээд л яваа нь үнэхээр утгагүй. Нэр алдар албан тушаалдаа улайраад бүхэл бүтэн гурван хүний хувь заяагаар дэнчин тавиад үр хүүхдээ ийм амьдралд уясан аав ээжид ч бас асуудал байж болох юм. Гэхдээ асуудалд хүргэсэн шөнийн амьдралаа зөв зохицуулж чадаагүй тэдний 100% ч буруу л байх даа.
Эмбий агаа-д Эвлэртэл нилээн юм болох байх даа. Эвлэрээд амьдарвал уг нь их сайхан гэр бүл болно доо.
Агай-д Эргэн тойронд олон гэж үү? яасан харамсалтай юм бэ, бүүдгэр амьдрал цөөн л байвал сайнсан. Баярлалаа
Ану-д Хөөрхийлөлтэй гэдэг үнэн шүү. Гэхдээ уг нь энэ амьдрал жаргалаар дүүрэн шүү дээ хүмүүс бид л жаргалыг зовлон болгоод эргүүлчихээд байдаг юм шиг. Өөрсдийн эхлүүлсэн зовлон бэрхшээлийг туулаад л гарч яваа энэ хоёр хосыг бурхан хүндэтгэж хайр бэлэглээсэй.
Саагий-д Би ч бас тэгж бодоод амжсан. Архичин болгож эвдэж байхаар зүгээр л салаад явуулчихвал онох ч байж мэднэ. Охин том болоод архичин ааваас зугатана шүү дээ. Бүсгүй уг нь салаад л амьдраад үзвэл, сэтгэлд нь бага ч гэсэн хайр тэгээд ухаан байгаа бол эр хүн хэсэг бодож үзээд үнэн сэтгэл тээгээд эргээд очиж мэднэ ш д. Түр ч гэсэн тухтай бодох хугацаа өгвөл....
Хүсэл-д Яг зөв хэллээ. Бид шүүд тунгаагаад, бодох шийдээд тэдний өмнөөс шийдэлд хүрч чадахгүй. гэхдээ яахав сайныг зөгнөж, зөгнөл хүслээрээ замыг нь жаахан болов ч засвал...
Амор аниа-д Хэ хэ хэ өөрөө хайргүй хүний өвөрт дасах гээд явжийгаам шиг үү? кккк
Энэ хоёр маань архи, хүлээлт хоёр дээр л тогтоох гээд шийдсэн бололтой.
Чимгээитгэл-д Хэ хэ хэ ажил жаахан ихтэй байсан, тэгээ арай гайгүй болсон чинь банжиг минь намайг амрах хэрэгтэй гэсэн, тэгэхээр нь сайхан амрахаар явсан даа.
эр хүн байж түс тас шийдэж чадахгүй түнтэгнэж байсны гайгаар 2 хүний нийлээд 3 хрүний амьдралыг баллаж багаа байхгүй юу..
хэхэ
Сэтгэгдэл үлдээх: