Утасны цаад үзүүрт алсын алсад сууж байгаа ээжийгээ болон ээжийнхээ яг тэр мөчид саатан байгаа тэр байшинг хамгийн сүүлд харсан тэр л янзаар сэтгэлдээ төсөөлөх гэхдээ бүсгүй нүдээ аньлаа. Ээжийнх нь хэлэх үг бүр түүний сэтгэлийг айдас хийгээд гунигаас аврах гэж намдуухан бас аргадангуй цуварна. Бүсгүй энэ үе, энэ цаг мөчийг тун удахгүй ирнэ гэдгийг зөнгөөрөө мэдрэх тул сэтгэлээ чамгүй бэлдсэн. Бүр жилийн өмнөөс...
Ээжийнхээ хэлэх үг бүрээс тэнд болж буй үйл явдлыг мэдэрч сэтгэлдээ төсөөлөх гэхдээ бүсгүй нүдээ аньсаар. Hээхийг үл хүснэ. Аниатай нүдэнд зугуухан тодрох нэгэн өрх айл, чимээ шуугиан багатайхан агаад хоймрын өрөөн дахь хүрэн модон орон дээр залуу цагийн ихэмсэг төрхөө гээхийг үл хүсэх мэт буурал тэргүүнээ дээш өргөн хэвтээ жижигхэн хөгшин хажууд нь мэт сэтгэлд нь зураглагдан буулаа. Хамгийн сүүлд үнсээд бас үнсүүлээд гарсан намрын сүүл сарын тэр өдрөөс хойш нэгэнтээ жил өнгөрч, өнгөрөн одсон жилийн хугацаа жаахан үлдээд байсан чадал тэнхээг бүгдийг нь авчээ.
Тамиргүй болсон жижигхэн биеийг сэтгэлээрээ мэдрэх бүсгүй, энэ хором сүүлчийн учрал гэдгийг алдалгүй ухаарахдаа, ээжээ та эмээгийн чихэн дээр утсаа тавь даа гэж аядуухан хүслээ. Яльгүй чичирхийлэх ч тайван байдлыг илтгэх мэт цэгцтэйхэн сонстох охиныхоо үгэнд
-Миний охион эмээ нь юу ч сонсохгүй бас юу ч ярихгүй шүү дээ гэж учир мэдэхгүй нялхсыг аргадах мэт тайлбарлахыг хүсэв ч, харь нутгаас эмээдээ тэмүүлэх охин Булганыхаа чин сэтгэлийг хүндэтгэхгүй байж яахан чадах.
...Харилцуурт эмээгийн гэх дуу хоолой, үг яриа тэр ч бүү хэл амьсгал ч үл сонстоно гагцхүү сэтгэлдээ зурагласан эмээгийнхээ дүрийг оюундаа бодсоор ихэмсгээр өндийх тэргүүнийг нь үнсэн, өвөр дээрээ тавьлаа.
-Эмээ охин нь байнаа, таныгаа орхиод ийм хол явчихсанд уучлаарай гэхдээ эмээ би таныгаа зөндөө санадаг шүү. Таны хийж өгдөг байсан сүүтэй будааг дүү нартаа дандаа хийж өгдөг. Миний эмээ бидэндээ битгий санаа зовоорой, бид сайхан амьдарна аа. Охин нь тандаа зөндөө их хайртай, та минь хол явах гэж байгааг мэдэж байна аа, гэхдээ эмээ та миний бас ээжийн сэтгэлд бүр ойрхон амьдрах болно оо. Би таныгаа сэтгэлдээ тээгээд хаа ч явсан орхихгүй авч явна. Миний эмээ зоригтой байгаарай... Булган үүнээс цааш юу ч хэлж чадсангүй, хэлэх үг нь дууссан ч хэлхээт нулимс нь тасралтгүй бөмбөрсөөр утас аа тасалаад мэгшин мэгшин удаан уйллаа.
Харьд сонссон хагацалын гашуун мэдээ эхнийх нь бас эцсийн нь ч биш гэдгийг Булган мэднэ. Нулимсаар мэлмий үерлүүлэн чихнээ сонтох гашуудлын хар мэдээ хэрэм мэт бат бөх ханыг сэтгэлийн гүнд нурхаагүй босгодог ажээ.
Наргүй бүрхэг байлаа гэж өчигдрийг битгий буруутгаарай, харанхуйгаас айдаг эмээд минь газарчилаад бурханы орон хүргээч гэж нарнаас би гуйсан юм.
Блогийн нүүр » Хагацал
2009-10-10 02:47:17
Сэтгэгдэлүүд:
яг энэ айдас их холоос надруу тэмүүлээд л байна яах вэ
Ганцхан таны минь өмнө цэцэг болон дэлбээлнээ
deegii ymar augaa hiilch vee tei bi urid ni eroosoo meddeggui ywj bjee
Эндээс буцах тэрхэн агшин түүнээс ч илүү сайхан байдаг ч байж болох
Энэлж битгий шаналаарай дүү минь
Эрхцасхан шүү дээ чи, Хайлчихаж мэднэ . . .
ene yamar sanaa ve? 18d baigaa zochnii seegiig unshaad l.
Бутаргана агаа-д Сэтгэлээрээ мэдэрч бас сэтгэлээрээ даваад гарах гэж хичээж байгаа болохоор нүдэнд чинь ил буулган бичсэн байх аа. Хөөрхөн зээ нар удахгүй л жил дараалаад төрнө дөө. Хүүхэд ч хөөрхөн шүү.
Раш-д Айж болохгүй ээ Ундаак минь, хорвоогийн жам болохоор тэр жамыг айдсаар угтаж болохгүй. Тэмүүлэх нь мэдрэгдэх тэр жамыг тэгтэлээ ихээр бас бодох хэрэггүй, сэтгэл чинь өөр олон сайхан зүйлийг түрүүлж мэдэрцг бас түрүүлж хүргэх ёстой байдаг юм байна хайртай хүмүүстээ.
Аманжинка агаа-д Тиймээ жам ёс гэдэг хуулийг бид хүссэн хүсээгүй даваад л гардаг юм байна.
Зочин-д Ухаан орсон цагаасаа хоёр эмээтэй байлаа харин өчигдөр ганц үлдээд байсан сайхан эмээгээ бурханы оронд явууллаа. Тиймээ буянтай тэдний минь буян нь ивээж сайхан төрлийг олон нь гарцаагүй. УМ САЙН АМГАЛАН БОЛТУГАЙ.
Апабст-д Уучлаарай, өмнө минь ирсэн хагацалыг чимээгүй даваад гарч чадсангүй ээ, эндээ л бичээд тавьчихвал сэтгэл арай л онгойх юм шиг санагдаад.
Жаагий12-д Миний ч бас айдас байлаа, гэхдээ цаг болоод тэд минь өвчин хэмээгчид хүлэгдээд ирэхээр энэ цаг мөчтэй эвлэрч, буцах өдөрт нь өөрийгөө бэлддэг юм билээ.
Агай-д Баярлалаа. Өнгө өнгийн олон сайхан цэцэгс болон дэмбээлэх болтугай.
Бялзуух-д Сэтгэлд мөнх амьдарч, энд ч бас тэнд ч дандаа бидэнтэй хамт явах болно, энэ нь нэг талаар сайхан ч юм шиг.
Мядөөг аниа-д Нарнаас, сарнаас бас оддоос олон хоног гуйсан юмаа. Өвдөөд тэнхэлгүй болсон эмээгээ өөрсдийн төлөө дэргэдээ удаан байлгана гэхэд сэтгэл эмтэрээд хэцүү байсаан.
Будням-д Баярлалаа. Сайхан хүмүүсийн бүтээл блогыг минь улам гоёоор чимэглэж байдаг юм. Дээгий сайхан ч бүсгүй бас сайн ч хөгжимчин шүү дээ.
Сандэй аниа-д Нэгэн цагт яг л над шиг эмээгээ үдэж байсан тэр жаахан охин өнөөдөр бас надаараа үдүүлээд хол оо явлаа. Бас нэгэн өдөр өөр шиг минь залуухан бүсгүйгээр, миний хайртай эмээ гэж дуудуулсаар би ч бас хол оо явна. Энэ хэлхээ хэзээ ч тасрахгүй.
Чимгээитгэл-д Уучлаарай....
Лео агаа-д Үнэхээр тийм юмаа, ирээд л буцаад л. Ирэхээс буцах хүртэл гэгээн мөртэй, олондоо нэртэй хүн ёсны дээдээр амьдрах хэрэгтэй юм даа хүн бид.
Нүүдэлчин-д Холоос хайртай дотно хүмүүсээ үдэх тийм амаргүй ээ, ээжээсээ хагацаад байгаа ээжийнхээ сэтгэлийг дулаацуулан хамт байж чадахгүй байна гэдэг бүр ц хэцүү, уг нь энэ үед ээждээ би л хэрэгтэй байдаг. Амьдрал болоод хүмүүний хувь заяа гэж...
Эмбий агаа-д Эмээ...дуудахад хүртэл дотно сайхан үгсийн минь нэг. Сэтгэлийг чинь сэдрээсэнд уучлаарай.
Зочин-д Үнэхээр уучлаарай, хайртай эмээгээсээ холдоод удаагүй ч дүү нь сэтгэлээ барихын дээдээр барьж тайван байна, та ч бас тайван байгаарай. Нэг жилийн дотор хоёр ч хайртай хүнээ алдах бас амаргүй юмаа. Нас нэмэх муухай байна аа, намайг л нас нэмэхээр тэд яваад байх юм.
Бумаа ах-д Ирэхдээ уйлахад бид баясан догдолж угтана харин явахдаа тэд баярлаж бид уйлсаар үлддэг, нээрээ л ээлж дараалж байх хоромууд юм даа. Эрх, зөөлөн цас чинь энэ удаад хайлахгүй зоригтой л байна, амьдрал намайг ирлээд байгаа ах минь.
Винтэрвүүд-д Нар гуйлтыг минь биелүүлсээн, бурханы орон явахдаа энд бас саатаад явсан, хэзээ ч өрөөнд минь нар өчигдөрийнх шиг тийм хурцаар тусдаггүй байлаа. Хурц нар тусахад би сэрсэн, яг л тэр агшинд эмээ минь явсан.
битгий уйл, нулимс чинь үер бно гэж хөгшид захьдаг шүү дээ дүү минь!
blogspot.com, orloo.com tsahimortoo geed oroh gazar zondoo sh dee....
Haaya Altargana egch, anjigai ah ta hed-iig unshih gej l orj irdeg bolohoos ene muu banjigaar shagaihiig ch husehgui baina..... daa
Харин үргэлж зовхи нь өөдөө байгаасай л гэж хүьсе.
Сэтгэгдэл үлдээх: